Nota para os cabo-verdianos espalhados pelo mundo fora e cabo-verdianos em Cabo Verde, #coronavirus

Um ta escreve es nota porque algumas pessoas perguntam manera que no ta vive pra li e qual foi sensaçao quand chega noticia des virus na Italia, o nosso estado de alma e sobretudo manera que no ta vive neste momento.

A “Visao” ou o “Olhar” da chegada do Coronavirus no mundo de muitos nòs aqui em Italia (Genova):

  1. Primeira fase: A “chegada” de noticia de China foi um bomba, terrivel. Tud gente começa ta fala na el, tud dia ta chega noticia através de mass media e no tava tud que medo. Depois chega quel fase donde que no começa ta dze : “Yah, el ta na China e na Italia nunca el ta bem chega, ou se el chega el ca ser moda na China”. Entao tud gente tava tranquil, ta faze se vida como todos outros dias. Tava partilha videos tristes de pessoas ta morre na China, ta ser internod na hospital. Depois no começa ta partilha videos engraçados sobre a situaçao… pa descontrai um bocadinhe.
  2. Segunda fase: Virus chega na Italia um caso na um cidade de norte…panico total. No tava oia televisao tud dia, ouvi noticias, espia coisas na facebook, instagram etc. Casos começa ta aumenta, um , dois, tres, dez…assim via. Mas depois no dze: “Yah, el ta na quel cidade e Governo ja fetcha quel cidade, assim el ca ta chega na nos.” Entao, sempre pa descontraia e ca pensa,  no passa pa quel fase donde que no ta manda video de doideiras, de as novas modas de cumprimenta. Dentro nos coraçao ja no sabia porque es virus ja tava ta fca mais perto.
  3. Terceira fase: virus espalha na regiao de Lombardia, Veneto, Piemonte e Emilia-Romagna. Nos regiao è Liguria, el ta fca atacod na regioes de Lombardia, Emilia-Romagna e Piemonte. Bom situaçao ja tava ta fca mais complicod. Nos vizinhos ja tava cheio de casas, e nos med maior era porque ques pessoal de ques regioes tem tud casa de ferias pra li. O grave problema que acontece na Italia foi porque tinha dois correntes de pensamentos: primeire ta dze mo coronavirus era so um grique e que tava panhal so pessoas idosas e com problemas graves de saude (tcheu jovens pensa mo ca ta panhal); segund outros tava dze mo es virus era é muito prigoce. Na quem bo tava acredita? Nos coitadinhos no ca sabia na quem acredita e assim da origem à uma dualidade de pensamente. Tcheu pensa mo era um exageraçao. Tem quem começa ta corre pa lojas pa compra cmida. Tive momentos de guerra na lojas, maltas começa ta compra tudo. Governo tive que interveni ta dze populaçao pa fca calma e ques tava garanti cmida e remedios pa tud gente. Papel igienico li ta bem no começa ca ta encontral na loja hahahhaha. Ja ca tinha mais desinfitantes també (lixivia desaperece de lojas ahahahah). Agua? Pessoal começa ta compra tud agua. Saindo e fazendo assim governo tive que adopta outras misuras de segurança, fetcha ques regioes mais afectadas. Porém quel noite que foi dod es noticia, tud gente começa ta fugi. Quem na comboio, quem na corre pa tudo ques outres regioes de Italia.  Pessoal volta tud egoistas, ninguém ca pensa nos outros e o lema foi: “Se salve quem puder”. E foi isto nos grande erro, virus viaja pa tud conte des paìs. Mesmo assim tinha pessoas que tava ta ba tma sol na mar, parque, bar e ristorantes… na descontra… outro grande erro.
  4. Quarta fase: governo teve que po lockdown em todo o paìs, terça-feira 10 de março. Mesmo assim pessoas sai na rua, tudo outra vez pa ba pa lojas…panico total.  Começa ta aumenta casos na Genova e tudo nos começa ta vive momentos de panicos. Jà agora ca tinha mais nada pra fazer, virus ja estava espalhod. Es fase li è muito importante porque no começa ta comprende mo podia toca na tud gente; Nos tud ta na mesma situaçao. O que fazer? Segui indicaçao de governe ( e um ta dze bsot porque governe ta li trabai dia e noite pa afronta es situaçao). Fca mais relaxod possivel e fala ma pessoas amigas, familiares na telefone etc. Longe ma juntos ao mesmo tempo.
  5. Quinta fase: aceitaçao! Agora è espera quel ta passa mais rapido possivel e que vida ta volta normal. Algumas pessoas es tem que ba pa traboi, outros fca na casa. Tudo dia no ta fala ma pessoas queridas, no ta faze videochamadas, quem ta cozinha, tem quem ta le livre, tem quem ta oia film etc. No ta partilha coisas lindas e positivas.

Nha opiniao: bsot ca entra em panico, bsot usa inteligencia e bsot proteja bsot velhinhos e pessoas com problemas de saude, isto quer dizer, bsot ca ba espias na casa porque qualquer um de nos pode tem quel virus e nem no ca sabe mo no tel. Es virus pode fca na organismo de um pessoa sem da senhal. Bsot segui indicaçao de governos e fca tranquil… NADA DE PANICOS. Cada criança na se casa, ca tem saida pa bringa ma amigos. Criança è mais dificel panhal  e ses panhal es tem mais força, mas es pode ser grandes portadores des virus e ataca nosse vovos. Quand bsot ba faze compra, bsot lembra mo tem outros. Beijos para todos e take care of you and be safe. Manera que no ta dze li na Italia: un abbraccio forte, forte.

%d blogger hanno fatto clic su Mi Piace per questo: